Mjúkir Kanilsnúðar
- 17 Jun, 2026
Mér finnst þetta vera einir bestu kanilsnúðar í heimi! Þeir eru ótrúlega mjúkir, djúsí og með geggjaðri kanilfyllingu.
ATH! Ekki stökkva yfir skrefið þar sem rjómanum er hellt yfir snúðana rétt áður en þeir fara í ofninn – hann karamelliserast í botninum og gerir þá extra djúsí!
Hráefni
- 360g volg mjólk
- 4 tsk ger
- 100g sykur
- 2 egg
- 720g hveiti
- 1 tsk salt
- 115g mjúkt smjör
Fylling
- 120g mjúkt smjör
- 200g púðursykur
- 2 msk kanill
Fyrir bökun
- ca. 1 dl rjómi
Aðferð
- Blandið saman volgri mjólk, geri og sykri í hrærivélarskál.
- Bætið eggjum, hveiti og salti saman við og látið deigið koma saman í hrærivélinni.
- Bætið mjúku smjörinu við í nokkrum skömtum (smátt og smátt) á meðan vélin er í gangi og hrærið vel á milli.
- Látið hrærivélina hnoða deigið vel í 8–10 mínútur þar til það er slétt og teygjanlegt.
- Hnoðið deigið aðeins í höndunum, mótið kúlu og setjið í skál. Hyljið skálina og látið deigið hefast í 60 mínútur (eða þar til það hefur tvöfaldast að stærð).
- Hrærið saman mjúku smjöri, púðursykri og kanil í skál þar til komið er smurhæft krem.
- Stráið smá hveiti á borðið og fletjið deigið út í stóran ferning (passið að hafa það ekki of þunnt).
- Smyrjið kanilfyllingunni jafnt yfir allt deigið.
- Rúllið deiginu pétt upp í eina stóra lengju og skerið í um það bil 2 cm þykka bita.
- Raðið snúðunum í smurt eldfast mót.
- Hyljið mótið og látið snúðana hefast aftur í 30 mínútur.
- Hellið um það bil 1 dl af rjóma jafnt yfir snúðana og á milli þeirra í eldfasta mótinu rétt áður en þeir fara í ofninn.
- Bakið í ofni við 175°C í 20–25 mínútur, eða þar til snúðarnir eru orðnir fallegir og gylltir á toppnum.
- Látið snúðana standa í nokkrar mínútur eftir að þeir koma úr ofninum svo þeir drugi í sig alla dásamlegu karamellusósuna í botninum. Berið fram og njótið!