Stökkar Kalkúna Ceasar Taco
- 23 Jul, 2026
Mig langaði til að prufa þessar stökku Ceasar Taco eftir að hafa séð hvert videoið á fætur öðru á samfélagsmiðlum. Hér fáið þið mína útgáfu af þessum vinsæla rétti. Þetta kom skemmtilega á óvart og ég mun klárlega gera þessar aftur og aftur!
Hráefni
- Tortilla-kökur - Ég var með 7 miðlungsstórar
- Kalkúnahakk 700gr
- Kornflex
- Kínakál c.a hálfur haus
- Rifinn Parmesan c.a 1dl
- Caesar dressing
- 1 Egg
- 1tsk Salt
- 1tsk Laukkrydd
- tsk Hvítlaukskrydd
- 1/2tsk Pipar
- 1tsk Paprikukrydd
Aðferð
- Setjum kalkúnahakkið í skál og bætum kryddunum útí og blöndum vel saman.
- Smyrjum hakkinu á tortillakökurnar og dreifum vel úr því.
- Pískrum saman eggið og penslum hverja köku með eggi.
- Næst dýfum við kökunum, hakkhliðin niður, í kronflex sem við erum búin að milja létt niður.
- Steikjum tortillurnar á pönnu á meðalhita í 3-4 min á hvorri hlið eða þar til hakkið er eldað í gegn.
- Skerum kálið niður og blöndum við það c.a 1dl af rifnum parmesan osti og 1dl af Ceasar sósu.
- Toppum tortillurnar með kálblöndunni, gott að setja extra parmesan og sósu ofaná ef vill.