Hot Honey BBQ Kjúklingaborgari
- 22 Jul, 2026
Þessi borgari er í miklu uppáhaldi hjá mér og klikkar einfaldlega aldrei. Kjúklingalærin fá dásamlega stökkan hjúp úr Doritos sem er ofnbakaður, og svo eru þau dýfð í sæta og sterka Hot Honey BBQ sósu!
1. Stökk Kjúklingalæri
Hráefni
- 4-6 kjúklingalæri (útslegin eða beinlaus)
- 2 egg
- 1 poki Doritos (gult/Nacho Cheese eða svart/Sweet Chili)
- 1-2 tsk kjúklingakrydd (t.d. Rotisserie kjúklingakrydd)
Aðferð
- Brjótið eggin í skál og pískið saman.
- Setjið Doritos í poka, myljið vel niður og hellið í aðra skál.
- Dýfið kjúklingalærunum fyrst í eggjablandana og veltið þeim svo vel upp úr Doritos flögunum.
- Raðið lærunum á ofnplötu klædda bökunarpappír og stráið smá kjúklingakryddi yfir.
- Bakið í ofni við 180°C í um það bil 20 mínútur þar til hjúpurinn er orðinn stökkur og kjúklingurinn eldaður í gegn.
2. Hot Honey BBQ Sósa
Á meðan kjúklingurinn er í ofninum er sósan græjuð.
Hráefni
- 2 dl BBQ sósa
- 1 dl Hot Honey (sterkt hunang)
- 1 tsk hvítlaukskrydd
- 1 tsk sítrónusafi
Aðferð
- Setjið öll hráefnin saman í skál og hrærið vel þar til sósan er slétt og jöfn.
- Þegar kjúklingurinn kemur rjúkandi heitur úr ofninum er hverju læri dýft beint í sósuna þannig að hún hylji hjúpinn alveg.
3. Samsetning á borgara
Hráefni & Meðlæti
- Borgarabrauð
- Majónes
- Kál
- Tómatar
- Súrar gurkur
Aðferð
- Ristið borgarabrauðin léttilega ef vill og smyrjið majónesi á bæði efri og neðri helming.
- Raðið káli, tómatsneiðum og súrum gúrkum á neðri helminginn.
- Setjið hjúpaða Hot Honey BBQ kjúklinginn ofan á meðlætið og lokið borgaranum.
Berið fram og njótið!