Steiktar Tortillur með Kjúkling

Steiktar Tortillur með Kjúkling

Þegar ég veit ekki hvað ég á að hafa í matinn enda ég mjög oft á því að gera eitthvers konar tortillur – það er einfalt, þægilegt og hægt að leika sér endalaust með útgáfurnar! Þessi útgáfa heppnaðist dásamlega vel. Kjúklingurinn og grænmetið er bakað saman í ofni, vafið inn í tortillur með osti, steikt á pönnu þar til þær verða stökkar og toppað með fersku grænmeti og hvítlaukssósu!

Hráefni

  • 8 kjúklingalæri

  • 2 paprikur

  • 1 rauðlaukur

  • Olía

  • Uppáhalds kjúklingakryddið þitt - Ég nota Best á Kjúklinginn

  • Tortillakökur (litlar eða meðalstórar)

  • Rifinn ostur

  • Olía til steikingar

  • Hvítlaukssósa (til að sprauta yfir í lokin)

  • Kirsuberjatómatar

  • Gúrka

  • Olívolía

  • Sítrónusafi

  • Salt og pipar

Aðferð

  1. Skerið paprikur, rauðlauk og kjúklingalæri í strimla/ræmur.

  2. Setjið allt saman í eldfast mót, hellið smá olíu yfir og kryggið vel með góðu kjúklingakryddi.

  3. Blandið öllu vel saman og bakið í ofni við 200°C í um 20 mínútur.

  4. Á meðan kjúklingurinn er í ofninum, skerið tómata og gúrku í litla bita og setjið í skál.

  5. Bætið við smá ólífuolíu, sítrónusafa, salti og pipar og hrærið vel saman.

  6. Hitið smá olíu á pönnu við meðalhita og leggið tortillaköku á pönnuna.

  7. Stráið vel af rifnum osti yfir alla kökuna.

  8. Setjið hæfilegan skammt af ofnbakaða kjúklinga- og grænmetisblöndunni á annan helminginn af tortillunni.

  9. Brettið hinn helminginn yfir svo úr verði hálfmáni og steikið á báðum hliðum þar til tortillan er orðin stökk og gyllt og osturinn alveg bráðnaður.

  10. Opnið tortilluna og skellið fersku salti inn í og toppið með hvítlaukssósu.

Berið fram rjúkandi heitt og njótið!