Hakk og Spagetti
- 10 Aug, 2026
Hakk og Spagetti er klassísk uppskrift sem allir ættu að kunna að gera. Þetta er réttur sem er í miklu uppáhaldi á mínu heimili og er því mjög regluglega í kvöldmatinn. Klassískt, gott og fljótlegt! Gerist ekki betra!
Hráefni
- 300gr spagettí
- 500gr nautahakk
- Salt og pipar
- Hvítlaukskrydd
- Laukkrydd
- Paprikukrydd
- 1 dós/krukka pastasósa (t.d. Tomato, Garlic & Onion frá Essential Everyday - eða bara það sem ykkur finnst best)
- Ferskur parmesanostur (rifinn yfir í lokin)
Aðferð
- Hitið vatn í potti upp á suðu og saltið það vel.
- Hitið smá olíu á pönnu og steikið nautahakkið. Kryddið með salti, pipar, hvítlaukskryddi, laukkryddi og paprikukryddi.
- Hellið allri krukkunni af pastasósu út á pönnuna hjá hakkinu. Hrærið vel saman og látið sósuna malla á vægum hita.
- Þegar vatnið fer að sjóða, setjið spagettíð út í og sjóðið samkvæmt leiðbeiningum á pakka.
- Smakkið hakksósuna til á meðan spagettíð er að eldast og bætið við meira af kryddi eða salti ef þörf er á.
- Setjið soðið spagettí á disk, skellið ausu af hakksósunni ofan á og rífið parmesan yfir.
- Svo er bara að njóta!